Ermənilər Xocavənddəki körpünü minalayıblarmış - FOTOLAR

Avtosfer Foto 2 Oktyabr 2023 14:32 Oxunub 1998
Ermənilər Xocavənddəki körpünü minalayıblarmış - FOTOLAR
WhatsApp kanalımıza abunə ola bilərsiniz

Xocavənd rayonu ərazisində 4 ədədkörpünün alt və yan hissələrində yüksək partlayış gücünə malik partlayıcı qurğular aşkarlanıb.

Bu barədə Avtosfer.az-a Daxili İşlər Nazirliyinin və Minatəmizləmə Agentliyinin (ANAMA) mətbuat xidmətlərindən məlumat verilib.

Bildirilib ki, yaşayış binaları, mərkəzi rayon xəstəxanası, eləcə də fərdi yaşayış məhəllələri yaxınlığında yerləşən körpülərdə qanunsuz hərbi birləşmələr tərəfindən quraşdırılan ümumilikdə tərkibində 200 kq-dan artıq trotil dolu qutulardan ibarət tələ məftili və elektrik üsulu ilə işə düşən partlayıcı qurğular müəyyən edilib.

Belə ki, körpülərin alt və yan tərəflərinə hər biri 25 kq-lıq trotil hissələrlə dolu qutulara elektrik detonatoru və partlayışın gücləndirilməsi məqsədilə bir neçə ədəd TM-57 növlü tank əleyhinə minalar quraşdırılıb. Bu kimi partlayıcı qurğular isə ölümcül partlayışın törədilməsi, texnika və insanların kütləvi şəkildə məhv edilməsi məqsədilə yerləşdirilib.

Aşkar edilən partlayıcı qurğular ANAMA əməkdaşları tərəfindən zərərsizləşdirilərək, ərazilərin təhlükəsizliyi təmin edilib.

Ermənilər Xocavənddəki körpünü minalayıblarmış - FOTOLAR

Ermənilər Xocavənddəki körpünü minalayıblarmış - FOTOLAR

FOTO QALEREYA
ŞƏRH YAZ
Ad

E-mail

Şərh