İcra başçısının oğlunun avtomobil KOLLEKSİYASI - FOTOLAR

Gəncə Şəhər İcra Hakimiyyətinin başçısı Niyazi Bayramovun oğlu Bəhram Bayramovun milyonlarla manat dəyəri olan dəbdəbəli maşın kolleksiyası üzə çıxıb.

Bu faktı araşdırmaçı jurnalist Mehman Hüseynov ortaya çıxarıb.

Jurnalist əvvəlki araşdırma zamanı icra başçısının oğluna məxsus, Bakının mərkəzində- "Hilton" otelinin yaxınlığında yerləşən dəbdəbəli "D'lite" restoranını ortaya çıxarmışdı. Bu dəfə isə həmin restoranın yaxınlığında Bəhram Bayramovun avtomobil qarajını müəyyən edib.

Araşdırmadan məlum olur ki, icra başçısının oğlunun qarajında 10 BB 904, 10 OO 904, 10 KK 904, 10 TT 904, 10 AS 904, 10 ZZ 904 nömrə nişanları altında ümumi dəyəri 2 milyon manatdan çox olan avtomobilllər var.

Bu nömrələrdən bəziləri birbaşa Bəhram Bayramovun öz adına olsa da, bir neçəsi Aslanov Rüstəm Vidadi oğlunun adınadır. Sonuncu şəxs həm də 10 AS 904 nömrə nişanının sahibi olan şirkətin ("Events Services Group") təsisçisidir. 

Araşdırmada təqdim olunan foto-faktlardan o da məlum olur ki, bu nömrələrin böyük əksəriyyəti qanunsuz olaraq, bir çox avtomobildə istifadə olunur.

Qeyd edək ki, Gəncə Şəhər İcra Hakimiyyətinin başçısı Niyazi Bayramovun maaşı 1280 AZN-dir.

Ətraflı