Milli Məclisin qarşısında qarla birgə sönən kartyükləmə aparatı - FOTO

Bu dayanacaqdan hər gün istifadə etdiyim üçün kartyükləmə aparatının da vəziyyətini bilirəm. Bu aparatda arada bir olsa da problem yaranır. Adətən problem inkassasiya ilə bağlı olur və bir neçə saat sonra aradan qaldırılır. Yəni, kassa dolduğundan pul qəbul edilmir. Bu dəfə isə nasazlıq uzun sürdü. 

Bakıya bu il yağan ilk qardan sonra kartyükləmə aparatı yerli-dibli söndürüldü. Artıq həftədən çoxdur aqreqat işləmir. Adətən növbə olmadığından sərnişinlər üçün burada kart yükləmək asan idi. Yaxınlıqda minlərlə adamın işlədiyi qurumlar yerləşir. Kartında balans bitənlər məcburən kiməsə 30 qəpik verməyə məcbur olur. 
İşin ən pis tərəfi aparatın 20 Yanvar faciəsinin ildönümündə sıradan çıxmasıdır. 

Bu günlərdə Şəhidlər Xiyabanına ziyarətə gələnlərin ardı-arası kəsilmir. 
Sabah ölkədə hüzn gnüdür, sonra isə 2 qeyri-iş günü olacaq. Bir sözlə, görünür kartyükləmə aparatı ayın sonunda işə hazır vəziyyətə gətiriləcək.

Vüqar Yaşaroğlu