"Music Gallery" səkini bayraqlarla zəbt edib: piyadalar təhlükədədir - FOTO

Azadlıq prospekti ərazisində yerləşən "Music Gallery" özünü reklam edir, vətəndaşlar isə buna görə əziyyət çəkməli olurlar.

Avtosfer.az xəbər verir ki, sözügedən ərazidə səkini bayraqlarla “işğal edən” mağaza piyadaların hərəkətinə mane olur. Saytın qaynar xəttinə daxil olan şikayətlərdən sonra əraziyə baxış keçirdik, iddialar doğru imiş. Üstəlik səkinin bir tərəfini də ərazidə olan digər obyektlərin pilləkənləri zəbt edir. Piyadalar isə ya bu maneəli yoldan keçməli, ya da avtomobil yolu ilə hərəkət etməlidirlər. Bu da onların həyatlarını risk altına atır.

Problemlə bağlı şirkətə ünvanladığımız suala isə heç kim cavab vermədi.

Ümüd edirik ki, aidiyyəti qurumlar məsələ ilə bağlı tez bir zamanda tədbir görərək, vətəndaşların rahatlığını yenidən təmin edəcəklər.