Onlarla sürücü səkini zəbt etdi - FOTO

Avtosfer Foto 9 Fevral 2024 14:21 Oxunub 468
Onlarla sürücü səkini zəbt etdi - FOTO
WhatsApp kanalımıza abunə ola bilərsiniz

Səkilər piyadaların rahat və təhlükəsiz hərəkəti üçün təşkil olunub. Lakin paytaxtın əksər yerlərində avtomobillər səkiləri zəbt edib, piyadaların hərəkətinə mane olur. 

Avtosfer.az xəbər verir ki, paytaxtın müxtəlif küçələrində səkiləri zəbt edən sürücülər görüntülənib.

Belə ki, Cəfər Xəndan küçəsində “Hundai” markalı 77-BY-324 qeydiyyat nişanlı, eyni markalı 99-CT-229 dövlət nömrə nişanlı, “BMW” markalı 10-SK-545 nömrəli avtomobillər səkidə parklanaraq piyadaların yolunu kəsib. Digər qayda pozuntusu isə Əbdüləzəl Dəmirçizadə küçəsində qeydə alınıb. “Mercedes” markalı 90-LF-799 nömrəli avtomobilin sürücüsü piyada keçidinin üzərində parklanıb. Qara Qarayev prospektində də “Opel” markalı 77-FO-542 nömrəli avtomobil səkini zəbt edib.

Əhməd Rəcəbli küçəsində isə problem daha da böyükdür. Parkın kənarındakı səki parklanma yerinə çevrilib. Hətta “Volvo” markalı 99-AZ-930 qeydiyyat nişanlı avtomobil də həmin parkinqdən istifadə edib. Sakinlər bildirib ki, bu yaxınlıqda yerləşən mağaza tərəfindən edilib.

Belə halların siyahısı uzandıqca uzanr. Sözügedən qayda pozuntuları o qədər çoxdur ki, hətta dayanma, durma və parklanma qaydalarının pozulması mövzusunda fotosərgilər keçirilə bilər. Həm yol hərəkətinin təşkili ilə bağlı maarifləndirmə işinə, həm də şəhərin mədəni həyatına töhfə olardı.

Hətta ən yaxşı fotoların müəllifləri mükafatlandırıla bilər.

Məhəbbət Tərlanoğlu

FOTO QALEREYA
ŞƏRH YAZ
Ad

E-mail

Şərh