Övlad qatili olan ana illər sonra əməlini etiraf etdi  – ŞOK FAKTLAR - FOTO

Rusiyanın Ufa şəhərində dəhşətli qətlin üstü açılıb. Avtosfer.az yerli mətbuata istinadən bildirir ki, 11 yaşlı məktəbli oğlan itkin düşüb. O nənə və babasının ziyarətindən qayıdarkən yoxa çıxıb. Axtarış aparılsa da bir nəticə verməyib. Lakin 16 il sonra yaşayış ərazisinə yaxın meşəlikdə tapılan insan qalıqları bu işi yenidən gündəmə gətirib. Aparılan məhkəmə-tibbi ekspertizası nəticəsində qalıqların həmin itən məktəbliyə aid olduğu aşkar olub.

Məlum olub ki, uşağın qatili doğma anası - 53 yaşlı qadın olub. O, bu cinayəti birgə yaşadığı kişini razı salmaq üçün törətdiyini bildirərək, cinayət əməlini boynuna alıb.

Polis əməkdaşları tərəfindən saxlanılan cinayətkar ana məhkəmə qarşısına çıxarılaraq 12 il azadlıqdan məhrum edilib. Ər isə təhrikdən bəraət alıb. Prokurorluq apellyasiyaya şikayət edərək həmin kişinin də saxlanılmasını tələb edib.

Nərminə Əli