Paytaxtda müəmmalı hal – Qoruyucu tumbalar niyə sökülür? - FOTO

Avtosfer Foto 29 Yanvar 2024 15:35 Oxunub 1252
Paytaxtda müəmmalı hal – Qoruyucu tumbalar niyə sökülür?   - FOTO
WhatsApp kanalımıza abunə ola bilərsiniz

Paytaxtın müxtəlif yerlərində səkilərin qırağı boyu qoruyucu tumbalar qoyulub. Bu tumbalar qəza anında avtomobili saxlamaq və piyadaları qorumaq üçün təşkil edilib. Lakin bir çox yerdə tumbalar müxtəlif məqsədlər üçün sökülür. Bunu çox vaxt səkidə avtomobil park etmək üçün edirlər.

Avtosfer.az xəbər verir ki, analoji hal Yasamal rayonu, Kamal Rəhimov küçəsində də qeydə alınıb.

Belə ki, səkiyə basdırılan qoruyucu tumbaların bir neçəsi sökülüb. Sakinlər deyir ki, tumbalar bundan əvvəl də dəfələrlə yerindən çıxarılıb. Yəqin ki, avtomobillərin rahat parklanması üçün belə addım atılıb.

Ümumiyətlə belə hallar paytaxtın bir çox yerində müşahidə edilir. Bu məsləyə nəzarətin az olması isə vəziyyəti daha da qəlizləşdirir. Sürücülərin əsasən də parklanmaq üçün piyadaların yolunu kəsməsi və onların həyatını təhlükəyə atması tez-tez müşahidə edilir.

Ümid edirik ki, müvafiq qurumlar bu barədə nəzarəti gücləndirib, problemi həll edər.

Məhəbbət Tərlanoğlu

FOTO QALEREYA
ŞƏRH YAZ
Ad

E-mail

Şərh