Piyadaları təhlükəyə atan “obyektlər” və sürücülər - FOTO

Avtosfer Foto 5 İyun 2023 12:18 Oxunub 2026
Piyadaları təhlükəyə atan “obyektlər” və sürücülər  - FOTO
WhatsApp kanalımıza abunə ola bilərsiniz

Paytaxtın bir sıra küçə və prospektlərində piyadalar üçün nəzərdə tutulmuş səkilər zəbt edilir. Bura müxtəlif obyektlərin səkini kəsərək parkinq düzəltməsi, həmçinin yeraltı qarajlar üçün səkilərin kəsilməsidir. Hələ üstəlik orada bir avtomobil saxlayanda vəziyyət ikiqat acınacaqlı olur.

Təqdim etdiyimiz ilk foto paytaxtın Nərimanov rayonu, Ziya Bünyadov və Atatürk prospektlərinin kəsişməsində çəkilib.

Əvvəlcə səki yeraltı qaraj üçün kəsilir, piyadalar üçün keçməyə ensiz yer qalıb. Daha sonra orada avtomobil dayanır və piyada məcburən yola çıxmalı olur.

İkinci foto Xırdalan şəhəri Heydər Əliyev prospektində qeydə alınıb. Burda da iri marketlərdən biri səkini “işğal edərək” avtomobillər üçün parkinq düzəldib. Nəticədə piyadalar məcbur olub özlərini təhlükəyə atırlar.

Üçüncü foto isə Həsən bəy Zərdabi 163 D ünvanında çəkilib. Burda yan-yana yerləşən iki şirniyyat evinin “rəqabəti” piyadaların başında çartlayır. Belə ki, obyektlərdən biri digərinin qarşısını kəsmək üçün piyada səkisini dəmir arakəsmə ilə kəsib. Nəticədə piyadaların rahat keçməsi məhdudlaşıb.

Qeyd edək ki, bu cür hallar çoxluq təşkil edir. Təbii ki, qeyd olunanlar inzibati məsuliyyət yaradır. Lakin vətəndaş məsuliyyəti də vacib amildir. Digərlərinin yolunu kəsməklə özünə “rahatlıq” quranlar bunun ağır nəticələrini bir gün özləri də dadacaq. Çünki həmin zəbt olunmuş səkilərdən keçə biyməyərək yolun hərəkət hissəsinə çıxan və avtomobil tərəfindən vurulanlardan biri elə həmin obyekt sahiblərinin yaxınları ola bilər.

Orxan Əli

ŞƏRH YAZ
Ad

E-mail

Şərh