"Prius" sürücüsü nömrənin başına oyun açdı: DC, yoxsa DO? - FOTO

Bəzi sürücülər kamera və radarlardan yayınmaq üçün nömrənin üstünü bağlayır, yaxud da seriya, rəqəmlərdən birini dəyişirlər.

Bununla da məsuliyyətdən yayınmağa çalışırlar.

Avtosfer.az xəbər verir ki, analoji addımı 77-DC-247 dövlət nömrə nişanlı, "Toyota Prius" markalı avtomobilin sürücüsü edib. Belə ki, sürücü "C" hərfinin bir kənarını "düzəldərək" "O"ya çevirib. Nəticədə seriya dəyişib.

Qeyd edək ki, belə hallarda kamera və radarlar nömrəni düz oxuya bilmir və cərimə tamailə fərqli bir şəxsə gedir. Bu isə problemlər yaradır.
Ümid edirik ki, Dövlət Yol Polisi İdarəsinin əməkdaşları sürücünü aşkarlayıb müvafiq tədbirlər görəcək.