"Sağ qalmağıma təhlükəsizlik kəməri və təhlükəsizlik yastığı kömək oldu" - FOTOLAR

Arif Nuri adlı sosial şəbəkə istifadəçi yaşadığı qəza ilə bağlı paylaşım edib. Avtosfer.az bu paylaşımın digərləri üçün ibrət olacağını nəzərə alaraq olduğu kimi təqdim edir:

- 15 oktyabr yenidən dünyaya gəldiyim gün hesab oluna bilər. Ölümün bir addımlığında oldum.

Qəza bir necə saniyə çəksə də, dəhşətli hisslərini yatanda belə duyuram.

Sağ qalmağıma maşının etibarlı olması, təhlükəsizlik kəməri və təhlükəsizlik yastığı kömək oldu..

Sözünü həqiqi mənasında ölümü görüb qayıtdım.

Zərbə anından sonra maşın bir neçə dəfə yerində fırlanan zaman elə bilirdim böyük bir alovun içindəyəm. Bir anlıq düşündüm ki, bax ölüm yəqin belə olur, insan belə olur.

Nə isə, həyat davam edir...".