Səkiləri öz məqsədləri üçün istifadə edən köşk sahibləri - FOTO

Bu köşklər onları işlədən şəxslərə necə sərf edirsə, elə də yerləşdirilir. Gah üzü yol tərəfə, gah əksinə, gah da sağa və sola çevrilir.

Avtosfer.az-ın məlumatına görə, saytın qaynar xəttinə şikayət ünvanlayan vətəndaş iddia edir ki, bu köşklər obyektlərin yerləşdirilməsi tələblərə uyğun deyil. Heydər Əliyev prospekti və Ağa Nemətulla küçəsinin kəsişməsində çəkilən görüntüdə köşk düzgün yerləşdirilmədiyindən piyadalara mane olur. Səkidə maşınların saxlanılması da bir başqa problem. Digər görüntülər isə Füzuli küçəsində çəkilib. Köşk sahibi səkiyə soyuducular yerləşdirərək piyadaların yolunu bağlayıb.

Qeyd edək ki, son zamanlar köşk sahiblərinin məsuliyyətsiz və qanundankənar hərəkətləri tez-tez müşahidə olunan haldır. Bununla bağlı mütamadi xəbərlərin yayılmasına baxmayaraq, sahibkarlar öz əməllərindən geri qalmırlar. Bu da, piyadaların birbaşa təhlükə ilə üz-üzə qalmalarına səbəb olur.

Nurlan