Səkini zəbt edən zibil qutusu - Piyadalar yolsuz qalır - FOTO

Həsən bəy Zərdabi küçəsində səkilərə yeni zibil qutuları qoyulub. Amma “SOCAR”ın layihə institutunun qarşısındakı ensiz səkidə qoyulan qutu piyadanın yolunu daha da daraldıb.

Avtosfer.az xəbər verir ki bu barədə foto sosial şəbəkələrdə geniş yayılıb.

Fotoda aydın şəkildə səkinin qoyulan zibil qutusu nəticəsində daraldığı əks olunub. Sakinlər bildirib ki, həm layihə institutunun işçilərinin, həm də yaxınlıqda yerləşən ali məktəbin tələbələrinin günün müəyyən saatlarında hərəkəti nəticəsində sıxlıq yaranır. Bu zaman çirkli qaba bulaşmadan keçib getmək mümkün olmur. Həmçinin bəzi piyadalar yolun hərəkət hissəsilə keçirlər ki, bu da təhlükə mənbəyidir.

Sözügedən yerdə piyadalar üçün daha bir problem pandusların olmamasıdır.

Ümid edirik ki, məsələ ilə bağlı müvafiq qurumlar tədbir görəcək. Piyadaların rahat və təhlükəsiz hərəkəti təşkil olunar.

Məhəbbət Tərlanoğlu