Sərnişin gəldiyi avtobusun altında qalıb öldü - FOTO
Avtosfer Foto 9 Oktyabr 2022 09:00 Oxunub 2398
Sərnişin gəldiyi avtobusun altında qalıb öldü  - FOTO

İzmirdən İstanbula gələn qadın sərnişin Alibeyköy avtoparkında onu gətirən avtobusun altında qalaraq dünyasını dəyişib.

Avtosfer.az Türkiyə mediasına istinadən xəbər verir ki, hadisə səhər saatlarında Alibeyköy avtovağzalında baş verib.

İddiaya görə, İzmirdən İstanbula gedən qadın avtovağzalda saatlarla yol gəldiyi avtobusdan düşüb.

 

 

Sərnişinlər düşdükdən sonra avtobus sürücüsü dayanacaqdan çıxmaq üçün geri manevr edərkən avtobusun arxasında olan naməlum qadını vurub. Zərbənin təsirindən avtobusun altında qalan qadın əzilib və dəhşətli şəkildə ölüb.

Xəbər verildikdən sonra hadisə yerinə polis və tibb işçiləri göndərilib. Tibb işçiləri avtobusun altında qalan qadının həyatını itirdiyini müəyyən edib. Qadının cəsədi aparılan müayinələrdən sonra Məhkəmə Tibb Morquna aparılıb.

Qəza törədən avtobus sürücüsü dindirilmək üçün polis bölməsinə aparılıb. Hadisə ilə bağlı araşdırmalara başlanılıb.

Lent.az

ŞƏRH YAZ
Ad

E-mail

Şərh