Şimali Koreyada uzunluğu 1 kilometrə çatan avtobus növbəsi - FOTO

Dünya əhalisinin ən az məlumata sahib olduğu ölkələrdən biri də Şimali Koreyadır (KXDR). Avtosfer.az-ın xəbərinə görə, bura qapalı ölkə olduğundan məlumat çıxışı da azdır. Lakin tək-tək jurnalistlər turist qismində bu ölkəyə getməyi bacarıb. Onların çəkdiyi azsaylı fotolarda nəqliyyatla bağlı kadrlar da əks olunub.
Ümumiyyətlə Şimali Koreyada şəxsi avtomobil az olduğundan insanlar gündəlik olaraq ictimai nəqliyyatdan istifadəyə məcburdurlar. Fotodakı növbə isə Pxenyanda gündəlik həyat normasıdır. 
Nəqliyyat probleminə görə Pxenyan xaric olmaqla digər şəhərlərdə at və öküz arabalarının hərəkətinə rast gəlmək aid haldır. 
Ölkədə elektrik qıtlığına görə işıqfor da barmaqla sayılacaq qədər azdır. Onları yol nizamlayıcılar əvəz edir. Gənc qızlar arasından seçilən nizamlayıcılar turistlərin çox diqqət yetirdiyi hallardandır.

Vüqar