Zəbt olunan səkilər – Piyadaları niyə fikirləşən yoxdur? - FOTO

Hazırda Bakı şəhərinin piyada infrastrukturunun ən mürəkkəb problemlərindən biri səkilərin zəbt edilməsidir.

Piyada infrastrukturunun inkişafı və əlçatanlığı sahəsində tədbir görülməsini təşkil etmək və görüləcək işi əlaqələndirmək Nəqliyyatı Əlaqələndirmə Şurasının vəzifələrindən biridir.

İzləyicilərimizdən Avtosfer.az saytına göndərilən fotolarda da aydın şəkildə görünür ki, Bakı şəhərinin Əbdüləziz Dəmirçizadə və Cəfər Xəndan küçələrində səkilər zəbt olunub.

Hətta Azərbaycan Yerüstü Nəqliyyat Agentliyi bildirir ki, səkilərin zəbt olunması ilə bağlı məsələlər onun səlahiyyətində deyil. Həmin problemlə bağlı Agentliyə üz tutan izləyicimiz bildirib ki, ona müvafiq rayon icra hakimiyyətinə müraciət etmək tövsiyə olunub.

Səkilərin istismarına nəzarət və onların standart qaydada təmir-tikinti işlərinə konkret kimin (bir, yoxsa bir neçə orqanın) baxdığı məlum deyil.

Ümumiyətlə piyada infrastrukturu sahibsiz görünür. Yeni yaradılan Nəqliyyatı Əlaqələndirmə Şurasının bu işin öhdəsindən necə gələcəyini isə zaman göstərəcək.

Məhəbbət