25 nəfərin olduğu sərnişin avtobusu külə döndü - VİDEO

Türkiyənin Muğla vilayətində 25 nəfərin olduğu sərnişin avtobusu yanıb.

Avtosfer.az İHA-ya istinadən xəbər verir ki, Marmarisdən Şırnaka gedən 42 ZD 302 dövlət qeydiyyat nişanlı sərnişin avtobusu Çamlı məhəlləsi istiqamətində hərəkətdə olan zaman tüstüləməyə başlayıb. Nəqliyyat vasitəsini kənara çəkən sürücü 25 sərnişini avtobusdan aşağı düşürüb. Sərnişinlər düşürüldükdən sonra avtobus alovlanıb.

Digər sürücülərin xəbər verməsi ilə hadisə yerinə yanğınsöndürən, polis və səhiyyə briqadaları gəlib. Yanğınsöndürən briqadaları yanğını çətinliklə də olsa qarşısını ala biliblər.

Xoşbəxtlikdən hadisədə xəsarət alan olmayıb. Lakin avtobus istifadə olunmaz vəziyyətə düşüb.

Yanğının mühərrikdə yaranan nasazlıq səbəbindən baş verdiyi bildirilir.

Polis qəzanın baş vermə səbəblərinin araşdırır.

Namiq