Ağstafanın "gecə qoçuları" şəhərdə qanunu belə pozur - VİDEO

Ağstafada qaydaları kobud şəkildə pozan sürücülər kameraya düşüb. Avtosfer.az xəbər verir ki, görüntülər avqustun 27-i Ağstafa şəhəri Heydər Əliyev prospektində qeydə alınıb. Belə ki, 90-MJ-417 qeydiyyat nişanlı "VAZ 2107" markalı avtomobilin sürücüsü svetoforun qırmızı işığında hərəkət edib. Eyni zamanda 90-DH-203 qeydiyyat nişanlı avtomobilin sürücüsü əks istiqamətə çıxaraq qırmızı işıqda yolayrıcına daxil olub. Bu zaman həmin sürücülər bir-birinə təhlükəli anlar yaşadıb. 

"VAZ" markalı avtomobilin sürücüsü daha sonra avtobus dayanacağında dayanaraq yenidən qaydanı pozub. 

Səbirsizlik və məsuliyyətsizlik edən bu sürücülər törətdikləri xəta nəticəsində 4-5 saniyə vaxt qazanmış oldular. Lakin bunun pis sonluqla bitəcəyini təəssüf ki, öncədən anlamırlar. Bədbəxt hadisələr də məhz belə hərəkətlərin nəticəsində baş verir.

Fərid