Azyaşlını nəzarətsiz buraxan sürücü onun həyatı üçün təhlükə yaratdı - VİDEO

Qaraçuxur qəsəbəsində qayda pozan sürücü görüntülənib. Görüntülər Avtosfer.az-ın redaksiyasına göndərilib. Belə ki, 77-BS-095 qeydiyyat nişanlı, “Hyundai” markalı avtomobilin sürücüsü sərnişindaşıma qaydalarını kobud şəkildə pozub. Avtomobildə olan uşağı nəzarətsiz buraxan sürücü təhlükə yaradıb. Azyaşlı hərəkətdə olan maşının lyukundan çıxıb. Sürücü buna əhəmiyyət verməyərək yoluna davam edib.

Bu kimi hadisələrin faciə ilə nəticələndiyinin dəfələrlə şahidi olunub. Lakin bəzi sürücü və sərnişinlər nədənsə bu halların onlardan yan keçəcəyini düşünür. Unutmaq olmaz ki, ehtiyasızlıq ucbatından baş verən qəzalarda həyatını itirən və hətta ömürlük şikəst qalan insanlar var.

Qeyd edək ki, bu qayda pozuntusuna görə sürücü 40 manat cərimə oluna bilər.

Sözügedən hadisənin videogörüntülərini təqdim edirik:

Nərminə Əli