Bakı-Qazax yolunda "Megan" sürücüləri "dumana" bürüdü - VİDEO

Sosial şəbəkələrdə yayılmış video izləyənlərin marağına səbəb olub. Avtosfer.az xəbər verir ki, Bakı-Qazax yolunun bir hissəsində yolun hər iki tərəfində sürücülər duman olduğunu düşünərək sürəti azaldıb və qəza işıqlarını yandırıb.

Görüntülərdə göz-gözü görməyəcək qədər duman olduğu əks olunur. Lakin az sonra bunun səbəbi aydınlaşır. Belə ki, 99-ZY-691 dövlət nömrə nişanlı, "Renault Megan" markalı avtomobildən bu "dumanın" çıxdığı əks olunub. Mühərrik o dərəcədə problemlidir ki, tüstü böyük həddə duman effekti yaradıb. Sürücü isə heç nə olmamış kimi yoluna davam edir.

Əslində bu hal ciddi təhlükə yaradır. Çünki hər an qəza baş verməsi mümkündür. Videonu təqdim edirik. Ümid edirik ki, müvafiq qurumlar sürücünü cərimə etməklə yanaşı onunla profilaktik söhbət də aparacaq. 

Leyla