Bakıda ağır qəzanı seyr etməyə gələnlər dəhşətli tıxac yaratdı - VİDEO

Paytaxtda baş vermiş yol qəzasından sonra ortaya çıxan görüntülər sosial şəbəkələrdə yayılıb və müzakirələrə səbəb olub.

Avtosfer.az xəbər verir ki, Bakə Dairəvi yolunda baş vermiş hadisə yerinə toplaşan “tamaşaçı sürücülər” maşınları yol kənarında saxlayaraq tıxaca səbəb olublar.
Təəssüflər olsun ki, bu kimi hallarda sürücülər yolu açmaq əvəzinə, vəziyyəti daha da gərginləşdirərək sıxlıq və tıxac yaradırlar. Hadisə baş verən əraziyə gələn təcili yardım maşınlarına, polis əməkdaşları və FHN-nin xilasedicilərinə yolda maneə yaradırlar.

Xatırladaq ki, videodakı hadisə bir neçə gün öncə Bakı Dairəvi yolunun Yasamal rayonu ərazisinə düşən hissəsində qeydə alınıb. “BYD” markalı avtomobili idarə edən Rüstəmov Nihad Fəzlulla oğlu sükana nəzarəti itirib. Nəticədə avtomobil yoldan çıxaraq dərəyə yuvarlanıb.
Əraziyə FHN-in Xüsusi Riskli Xilasetmə Xidmətinin əməkdaşları cəlb olunub. Onun avtomobildə sıxışmış meyiti çıxarılaraq aidiyyatı üzrə təhvil verilib.

Nərminə Əli