Paytaxtın Mərdəkan-Buzovna yolunda tez-tez piyadaların vurulması ilə nəticələnən ağır yol nəqliyyat hadisələri baş verir.

Həmin yolda bir neçə ərazidə piyadalar üçün yerüstü keçid var.

Bakı Şəhər Dövlət Yol Polisi İdarəsinin baş inspektoru Araz Əsgərli bildirib ki, bəzi piyadalar keçiddən keçməməklə sürücüləri çətin vəziyyətdə qoyurlar. 

Araz Əsgərli qeyd edib ki, həmin yolda günün istənilən saatında baş vermiş bütün piyada vurulması halları kamerlarla qeydə alınır. O, piyadaların vurulduğu qəza anlarını da təqdim edib. Baş inspektor onu da əlavə edib ki, bu ilin 9 ayı ərzində paytaxda 337 yol nəqliyyat hadisəsi baş verib ki, nəticədə 143 nəfər ölüb, 264 nəfər isə yaralanıb.

Qeyd edək ki, bu ilin yanvarın 1-dən oktyabrın 1-dək paytaxt ərazisində ümumi qəzalardan 3-ü motosikletlə baş verib, 1 nəfər vafat edib, 4 nəfər xəsarət alıb. Moped vasitəsi ilə 10 hadisə qeydə alınıb, 1 nəfər ölüb, 10 nəfər yaralanıb. Velosipedlərlə  4 hadisə olub, 1 nəfər ölüb, 3 nəfər xəsarət alıb. Yük avtomobillərinin iştirakı ilə 11 hadisə qeydə alınıb, 9 nəfər ölüb, 7 nəfər xəsarət alıb. İctimai nəqliyyatda 8 hadisə baş verib, 1 nəfər ölüb, 9 nəfər isə yaralanıb.

Piyadaların avtomobillərlə vurulma anları və daha ətraflı məlumat süjetdə: