Bakı-Sumqayıt yolunda ötmə edən "Lada" sürücüsü başqa maşını vurub qaçdı - VİDEO

Bakı-Sumqayıt yolunda qəza törədən sürücü hadisə yerindən qaçıb. Qəzaya düşən sürücü qeydə aldığı videonu Avtosfer.az –ın elektron ünvanına göndərib. Onun sözlərinə görə,   99-FO-555 qeydiyyat nişanlı “Lada Vesta” markalı avtomobilin sürücüsü ötmə edən zaman onun avtomobilinin güzgüsünə sürtərək hadisə yerində qaçıb.  

Qeyd edək ki sıxlıq olan yollarda bu şəkildə ötmə əməliyyatının yerinə yetirilməsi qəzalara hətta insan itkisinə gətirib çıxara bilər. Son dövrlər qeydə alınan qəzaların əksəriyyəti  manevr qaydalarının pozulması və sürücü tələskənliyinin nəticəsində baş verib.  Sürücüləri bir daha yollarda tələsməməyə və qayda pozuntularına yol verməməyə çağırırıq.

Yunis İsrafilov