Şəhidlərin anım vaxtı dayanmayan sürücüdən açıqlama - VİDEO

Avtosfer TV 28 Sentyabr 2022 14:29 Oxunub 30804
Şəhidlərin anım vaxtı dayanmayan sürücüdən açıqlama  - VİDEO
WhatsApp kanalımıza abunə ola bilərsiniz

Dünən Avtosfer.az saytında “Şəhidlərin anım vaxtı sürücü görün nə etdi” başlıqlı videomaterial dərc edilib. Videoda 21-BF-821 dövlət qeydiyyat nişanlı, “Toyota Land Cruiser” markalı avtomobilin sürücüsünün sükutu pozaraq yoluna davam etməsi əks olunub. Bu isə sosial şəbəkə izləyicilərinin narazılığına səbəb olub. Məsələ ilə bağlı avtomobilin sürücüsü Ayaz İmamquliyev Bakı şəhər Dövlət Yol Polisi İdarəsinə dəvət olunub və onunla profilaktiki söhbətlər aparılıb. Daha sonra Avtosfer.az-ın redaksiyasına gələn sürücü maşında yaşlı və xəstə insanların olması səbəbindən bu addımı atdığını bildirib. Qeyd edib ki, anım vaxtı veriləcək yüksək və ardıcıl siqnal səslərinin avtomobildəki xəstə ata və anasına mənfi təsir göstərəcəyini bildiyi üçün ətrafdakı insanlardan üzr istəyərək ona yol verilməsini xahiş edib, daha sonra isə ərazidən uzaqlaşıb. 
A.İmamquliyev vətənpərvər olduğunu və şəhidlərimizə heç bir hörmətsizlik etmək məqsədinin olmadığını da bildirib.

27 sentyabr, 20:00

Bu gün 44 günlük zəfər tarixinin başladığı gündür. Prezident İlham Əliyevin imzaladığı sərəncama əsasən 27 sentyabr tarixi ölkəmizdə Anım Günü kimi qeyd edilir. Hörmət əlaməti olaraq saat 12 də əhali tərəfindən bir dəqiqəlik sükutla şəhidlərin ruhu yad edilir. Avtomobil yollarından tutmuş bir çox yerlərdə hərəkət məhdudlaşdırılır. Bu gün sükut zamanı sürücülərdən biri xoşagəlməz addımı ilə kameraya düşüb. Avtosfer.az xəbər verir ki, hadisə Bakı-Qazax yolunda baş verib. Videodan da göründüyü kimi, 21-BF-821 dövlət qeydiyyat nişanlı,  “Toyota Land Cruiser” markalı avtomobilin sürücüsü sükutu pozaraq yolun sağına manevr etməklə hadisə yerindən uzaqlaşıb. 

Qeyd edək ki, Prezident İlham Əliyevin yolda avtomobilini saxlayaraq şəhidləri andığı bir vaxtda hər hansı şəxsin özünü yüksək nüfuzlu şəxs kimi görərək şəhidlərin ruhuna hörmətsizlik nümayiş etdirməsi qəbuledilməzdir.

 

Yunis

ŞƏRH YAZ
Ad

E-mail

Şərh