Bu küçədəki stop nişanına görə maşınlar tez-tez sönür - BNA-nın DİQQƏTİNƏ - VİDEO

Paytaxtın Süleyman Tağızadə küçəsində təhlükə ilə üzləşən sürücülər redaksiyamızın elektron ünvanına müraciət göndəriblər. Onlar bildirir ki, sözügedən küçənin Abdulla Şaiq küçəsi ilə kəsişməsində (Nərimanov heykəlinin qarşısında) stop nişanı quraşdırılıb.  S.Tağızadə küçəsi sərt yoxuşlu olduğu üçün nasaz avtomobillə hərəkət edən sürücülər A.Şaiq küçəsinin kəsişməsində stop edərkən bir çox hallarda mühərrik sönür. Belə halda isə tormoz sistemi işləmədiyi üçün avomobil arxaya doğru hərəkət edərək yoxuşa qalxan sürücülərə təhlükəli anlar yaşadır. Qeyd etdiyimiz analoji halın videogörüntüsünü təqdim edirik.

Qeyd edək ki, Bakı Nəqliyyat Agentliyi hərəkətin təşkilində dəyişiklik etməklə həmin problemi rahatlıqla aradan qaldıra bilər.  Belə ki, A.Şaiq küçəsinin sağ zolağı S.Tağızadə küçəsindən gələn nəqliyyat vasitələri üçün ayrılsa və ayrılan zolaq plastik tumbalarla təşkil edilsə, həm trayektoriya kəsişməyəcək, həm də stop eməyə ehtiyac qalmayacaq. Yoxuşla qalxann sürücülər sərbəst şəkildə sağa dönərək fasiləsiz hərəkət edə biləcək.

Yollarda bu cür təhlükələrin aradan qaldırılması və fasiləsiz hərəkətin yaradılması üçün hərəkətin təşkili ilə məşğul olan səlahiyyətli şəxslər daim yaxşıya doğru yeniliklər etməlidir.

Ümid edirik ki, BNA sürücülərin etdiyi bu müraciətlə bağlı tez bir zamanda araşdırma aparacaq və lazımi addımlar atacaq.

Leyla