Bu maşının iki nömrəsi var: "Kamaz", yoxsa "Maz"? - VİDEO

Oxuculardan biri yolda maraq doğuran görüntünü qeydə alaraq redaksiyamızın qaynar xəttinə göndərib. Avtosfer.az xəbər verir ki, qeydə alınan görüntüdən aydın şəkildə görünür ki, yolda hərəkətdə olan "Kamaz" markalı avtomobilin arxa hissəsinə iki qeydiyyat nişanı təhkim edilib. Onlardan biri 09-ZA-068, digəri isə 10-ZL-358-dir. Oxucunun verdiyi məlumata görə avtomobilin qarşısında 10 seriyası ilə başlayan nömrə təhkim edilib.

Qeyd edək ki, qanunvericiliyə görə avtomobilə müxtəlif rəqəm və hərf kombinasiyalı qeydiyyat nişanlarının təhkim edilməsi qanunsuzdur. İstisna hallar qoşqulu və ya yarımqoşqulu nəqliyyat vasitələrinə aiddir. Bu halda da qoşqunun və yarımqoşqunun qeydiyyat nişanı öz yerinə təhkim edilməlidir. Lakin sözügdən fotoda olan yük avtomobili qoşqusuz olub.

Araşdırma zamanı sözügedən qeydiyyat nişanının başqa nəqliyyat vasitəsinə aid olması öz əksini taparsa, bu zaman sürücü İnzibati Xətalar Məcəlləsinin 342.7-ci maddəsi ilə məsuliyyətə cəlb edilə bilər.
Nərminə Əli