Bu prospektdə hər gün səkilər zəbt olunur - Piyadalar yolsuz qalır - FOTO

Paytaxtda sürücülərin piyadaların yolunu kəsməsi, onların rahat hərəkətinə mane olması halları tez-tez müşahidə olunur. Səki və piyada keçidlərin piyadalar üçün təşkil olunduğu halda bir çox sürücü bunu heçə sayıb, yolu bağlayır.

Avtosfer.az xəbər verir ki, Azadlıq prospekti ilə Həsən Əliyev küçəsinin kəsişməsində də analoji vəziyyət hər gün müşahidə olunur. Belə ki, avtomobillər səkidə parklanaraq piyadaların yolunu kəsib. Sosial şəbəkələrdə geniş yayılan görüntülərdə də “Mercedes” markalı 90-VJ-901 qeydiyyat nişanlı və “Toyota Prius” markalı 90-FZ-385 nömrəli avtomobillərin sürücüləri səkini zəbt etdiyi aydın şəkildə əks olunub. Həmçinin piyada keçidinin önünün kəsilməsi vətəndaşlar üçün problem yaradır.

Ümid edirik ki, məsələ ilə bağlı müvafiq qurumlar yaxın zamanda tədbir görəcək.

Məhəbbət Tərlanoğlu