Piknikə gedən ailə qəzaya düşdü: 4-ü üşaq olmaqla 7 ölü, 1-i ağır yaralı - VİDEO

Türkiyənin İzmir əyalətində idarəetmədən çıxan avtomobil arakəsmələrə çırpılaraq qarşı yola keçərək aşıb və həmin anda hərəkətdə olan digər avtomobil aşan maşın çırpılıb.

Avtosfer.az DHA-ya istinadən xəbər verir ki, hadisə ötən gün Buca rayonunun Qaynaqlar məhəlləsində qeydə alınıb.

Qəza nəticəsində, aşaraq yan üstə qalan maşında olan 4-ü uşaq olmaqla 7 nəfər ölüb, digər nəqliyyat vasitəsinin sürücüsü isə ağır xəsarətlər alıb.

Hadisə yerinə çoxlu sayda polis və səhiyyə briqadaları cəlb olunub.

Bildirilir ki, hadisədə ölən ailə piknikə gedirlərmiş.

Polis qəza ilə bağlı araşdırmalara başlayıb.

Namiq