"Prius"un iştirakı ilə daha bir yol qəzası baş verib - VİDEO
Paytaxtda iki avtomobillin toqquşmasıyla nəticələnən yol qəzası baş verib. Avtosfer.az xəbər verir ki hadisə 8 Noyabr prospektində qeydə alınıb. Görüntüdən aydın olur ki, qəzaya səbəb “Toyota Prius” markalı avtomobilin sürücüsünün idarəetməni itirərək əks yola çıxmasıdır. Bu zaman “Toyota Prius” “Hundai Santa Fe” markalı avtomobilə arxadan çırpılıb. Qəza nəticəsində hər iki avtomobilə zərər dəyib.
Qeyd edək ki, son dövrlər “Toyota Prius” qəzaları gündəmin ən aktual mövzusuna çevrilib. Müxtəlif təbliğatlar aparılmasına rəğmən qəzaların sayı gün getdikcə artmaqdadır. Gün ərzində hətta bir neçə dəfə “Toyota Prius” markalı avtomobillərin paytaxtın hər hansı bir küçəsində qayda pozması haqqında oxucularımız tərəfindən matreallar göndərilir. Bir daha sürücüləri həm özlərinin, həm də ətrafdakı insanların təhlükəsizliyi üçün sükan arxasında diqqətli olmağa çağırırıq.
Yunis