Qırmızıdan keçən sürücü 3 nəfəri vurdu - VİDEO

Türkiyənin İzmir vilayətində avtomobil səkidə hərəkət edən 3 nəfəri vurub. Avtosfer.az İHA-ya istinadən xəbər verir ki, insident iyunun 13-ü axşam saatlarında Konak rayonunun Mustafa Kamal Sahil bulvarında qeydə alınıb. Məlumat görə, işıqforun qırmızı işığından keçən sürücü idarə etdiyi avtomobili ilə yaşıl işığın yanması ilə hərəkət edən maşına çırpılmamaq üçün manevr edib. Sürücünün idarəetməsindən çıxan avtomobil əvvəlcə yol nişanına sonra da səkidə irəliləyən 3 nəfəri vurub. Yaralanan şəxslər hadisə yerinə gələn təcili tibbi yardım maşınları ilə xəstəxanaya aparılıb. Onların vəziyyətinin normal olduğu bildirilib. Polis qəza ilə bağlı araşdırmalara başlayıb.

Namiq