Quba yolunda ara məsafəsi saxlamayan "Ford" "Mercedes"ə çırpıldı - VİDEO

Bakı-Quba yolunda yük avtomobillərinin iştirakıyla yol-nəqliyyat hadisəsi baş verib. Hadisə şahidlərinin Avtosfer.az-a verdiyi məlumata görə “Ford” markalı yük avtomobili arxadan “Mercedes” markalı digər yük avtomobilinə çırpılıb. Qəzaya səbəb “Ford” markalı ük avtomobilinin yüksək sürətlə hərəkət etməsi və düzgün ara məsafəsi saxlamaması olub. Sərt tormozlanma etsə də, toqquşma qaçılmaz olub.

Qeyd edək ki, bu tipli hadisələr həmin yolda tez-tez baş verir. Sürücülər hövsələsizlik və səbirsizlik göstərərək bir-birinə yaxın məsafədə hərəkət edirlər, bəzən qadağan olunmuş ərazidə ötmə əməliyyatı edirlər. Nəticədə qəfil tormozlanma zamanı düzgün məsafə seçilmədiyi üçün bu tipli zəncirvari qəzalar baş verir.

Nərminə Əli