Tanınmış şair ikiqat qəzaya düşdü: "Mən onu vurdum, o da məni" - VİDEO

Tanınmış şair Rəşad Nağı Musafa keçirdiyi qəza ilə bağlı başına gələn maraqlı hadisəni televiziya verilişlərinin birində danışıb. O qeyd edir ki, idarə etdiyi avtomobillə paytaxtın 20 Yanvar dairəsindən üzü Ziya Bünyadov prospekti istiqamətinə gedən zaman qarşıdakı bahalı avtomobil qırmızı işıqda dayanıb. Bu zaman ara məsafəsini düzgün seçmədiyi üçün həmin avtomobili vurub: “Vurduğum ziyanı qarşılayacağımı bildirərək yaxınlıqdakı tanıdığım ustanın yanına getməyi xahiş etdim. Belə razılaşdıqdan sonra o mənim arxamca gələrək ustanın yanına yollandıq. Musabəyov heykəlinin qarşısından sağa- Mətbuat prospektinə dönən zaman svetoforda dayanmalı oldum.  Bu zaman həmin sürücü ara məsafəsini düzgün seçmədiyi üçün mənim avtomobilimi vurdu. Avtomobildən düşüb qucaqlaşdıq,  hallalaşdıq və heç bir ödəniş etmədən ayrıldıq”- deyə Rəşad Nağı Mustafa bildirib.

Fərid