Təmirə görə qazılan yol sürücüləri təhlükə ilə üz-üzə qoyub - VİDEO

Bakıda yolda yaranmış çuxur sürücüləri təhlükə ilə üz-üzə qoyub. Bu barədə oxuculardan biri Avtosfer.az-ın qaynar xəttinə şikayət ünvanlayıb. Onun sözlərinə görə, Pirşağı dəmir yol vağzalından üzü Mehdiabad qəsəbəsinə gedən yolda bir müdddət əvvəl qazıntı işləri aparılıb. Lakin təmir işlərindən sonra qazılmış hissə asfaltlanmayıb: “Həmin yoldan istifadə edən sürücülər qazılmış hissəyə çatarkən avtomobilə ziyan dəyməməsi üçün qəfil tormoz verirlər. Bu zaman arxadan gələn sürücülərə qəza vəziyyəti yaranır, hətta bir neçə dəfə yol nəqliyyat hadisəsi də baş  verib. Gecə saatlarında həmin çuxur ümumiyyətlə görünmədiyi üçün sürücülər tormoz vermədən hərəkət  edirlər. Belə olan halda isə avtomobilə maddi ziyan dəyir”.

Sürücülər bu təhlükənin aradan qaldırılması üçün həmin yolu qazan və yola cavabdeh olan qurumlardan köməklik göstərilməsini xahiş edir. Ümid edirik ki, tez bir zamanda qeyd etdiyimiz məsələ öz həllini tapacaq.

Nərminə Əli