Avtobusun altında qalmaqdan son anda qurtulan gənc qız sürücüyə irad bildirdi - VİDEO

Paytaxtın “20 Yanvar” metrosu yaxınlığında qayda pozan piyadalar avtomobilin kamerasına düşüb.

Avtosfer.az-ın məlumatına görə, hadisə iyunun 12-də saat 20:46 radələrində qeydə alınıb. Kadrlardan görünür ki, piyadalar yaxınlaşan nəqliyyat vasitələrinə məhəl qoymadan yolu müəyyən olunmamış yerdən keçiblər. Bu zaman avtobus sürücüsü az qala nəqliyyat vasitəsinin altında qalan gənc qıza siqnal verərək xəbərdarlıq edib. Bundan sonra isə qız yolun ortasında dayanaraq sürücüyə əl hərəkəti ilə iradını bildirib.

Qeyd edək ki, yaxınlıqda piyada keçidi mövcuddur. 

Görüntülər bir daha göstərir ki, sıx nəqliyyat axınının olduğu ərazilərdə qaydalara əməl olunmaması bir anda ciddi təhlükəyə səbəb ola bilər. Xüsusilə piyadaların müəyyən olunmamış yerlərdən yolu keçməsi sürücüləri qəfil manevr etməyə məcbur edir və bu da qəza riskini artırır.
 

Nərmin