İstanbulda metro qatarı relsdən çıxdı - VİDEO - YENİLƏNİB

İstanbul metrosunda qatarın relsdən çıxması nəticəsində azı üç nəfər xəsarət alıb. 

Avtosfer.az xəbər verir ki, bu barədə NTV telekanalı məlumat yayıb.

Xəsarət alan şəxslər xəstəxanaya çatdırılıblar.

Hadisədən sonra xətt üzrə qatarların hərəkəti müvəqqəti olaraq dayandırılıb.

Qəzanın səbəbləri araşdırılır.

***23:12, 19 iyun
İstanbulda M4 Kadıköy-Sabiha Gökçen Hava Limanı xəttində hərəkət edən metro qatarı Bostancı ərazisində relsdən çıxıb.

Avtosfer.az xəbər verir ki, qatardan düşən sərnişinlər tunellə hərəkət etməli olublar. Hadisə yerinə yanğınsöndürənlər, tibbi briqadalar və metro briqadaları göndərilib.

Hadisə yerində iş davam etdirilir.