Polis təqib zamanı qeyri-adi hadisə ilə üzləşdi - VİDEO

Polis təqib zamanı qeyri-adi hadisə ilə üzləşib. Avtosfer.az xəbər verir ki, ABŞ-nin Kaliforniya ştatında baş verən insidentin görüntüləri polis helekopterinin kamerası tərəfindən qeydə alınıb.

Zərdabda Kür daşdı - Polislər vətəndaşları belə xilas etdi - FOTO - VİDEO

Belə ki, Kaliforniya Ştat Patrul Xidmətinin əməkdaşları yerdən və havadan oğurlanan "Mercedes-Benz" markalı avtomobili təqib ediblər. Bir müddət sonra qanunpozucu avtomobilin hərəkətdə olduğu halda pəncərədən çıxaraq nəqliyyat vasitəsinin damına çıxıb və tullanaraq bu dəfə piyada qaçmağa çalışıb. Ancaq polis əməkdaşları dərhal onu təqib edərək qısa müddətdə nəzarətə alıblar.

Sürücünün tərk etdiyi və hərəkəti davam edən avtomobilin qarşısını almaq üçün digər bir polis əməkdaşı operativ şəkildə avtomobilə çatıb və onun dayanmasını təmin edib.

Hadisə nəticəsində ciddi xəsarət alanın olub-olmaması barədə məlumat verilmir.

Faktla bağlı araşdırmalara başlanılıb.

Sözügedən hadisənin anbaan videosunu təqdim edirik:

Namiq Musayev