Tikintisi 15 ildir bitməyən dəmir yolu vağzalı

Həftənin ilk günü Avropa mətbuatında belə bir maraqlı xəbər yayıldı. Məlum oldu ki, isveçrəlilər artıq Almaniyanın qatarlarına etibar etmirlər. səbəb ləngimələrdir. 

Avtosfer.az xəbər verir ki, bu xəbərin ardınca sosial şəbəkələrdə məsələ ciddi müzakirə obyektinə çevrildi. Bunun ardınca jurnalist araşdırmaları da başladı. Məlum oldu ki, ölkənin əsas ictimai nəqliyyatı hesab edilən dəmir yollarında da ciddi infrastruktur problemləri mövcuddur. Audit zamanı bu da aşkar oldu ki, 2024-cü ildə uzaq məsafəli reyslərin 36 faizi gecikmə ilə icra olunub. 4 mindən çox dəmiryolu körpüsünün təcili təmirə ehtiyacı var. Ötən sentyabrda 1 körpü uçaraq qəzaya səbəb olub.

Ölkənin əsas sənaye şəhərlərindən olan Ştutqartda dəmir yolu vağzalının açılışı 7 ildir ləngiyir. Tikintisinə 15 il əvvəl başlayan obyektin bu ilin sonunda qismən açılışı gözlənilir. 

Əslində burada 100 ildən çoxdur vağzal mövcuddur. Lakin söhbət vağzalın müasirləşdirilmıəsindən gedir. Nəzərə alaq ki, bir qədər aralıda Mercedes və Bosch kimi şirkətlərin ofisləri yerləşir.

Ekspertlər Almaniyanın dəmir yollarında yığılıb qalan problemlərin həlli yolunu kütləvi sərmayə qoyuluşunda görürlər.

Vüqar Yaşaroğlu