Şəhid övladı yüksək bal topladı

Dövlət İmtahan Mərkəzi tərəfindən 19 aprel 2026-cı il tarixində XI sinif şagirdləri üçün keçirilmiş buraxılış imtahanında Şərur şəhər 1 nömrəli tam orta məktəbin məzunu, şəhid kapitan Elnur Cəfərovun övladı Məhəmməd Cəfərov yüksək nəticə göstərərək 282 bal toplayıb.

Avtosfer.az unikal-a istinadən xəbər verir ki, buraxılış imtahanında Şərur rayonunun ümumtəhsil məktəbləri üzrə şagirdlər arasında ən yüksək nəticəni də məhz  Məhəmməd Cəfərov göstərib.

Qeyd edək ki, kapitan Elnur Cəfərov 2014-cü il yanvarın 23-də Ağdərə rayonunda tapşırıqda olarkən şəhidlik zirvəsinə ucalıb. Ölümündə sonra “Hərbi xidmətə görə”, “Hərbi xidmətdə fərqlənməyə görə” və “ İgdliyinə görə” medalları ilə təltif edilib.