Sürmə etibarnaməsi ilə avtomobili texniki baxışdan keçirmək olarmı? – VİDEO

Sürmə etibarnaməsi olan şəxsin avtomobili texniki baxışdan keçirmək hüququnun olub-olmaması sürücüləri maraqlandıran məsələlərdən biridir.

Avtosfer.az xəbər verir ki, nəqliyyat eksperti Rüfət Əmiraslanov məsələyə aydınlıq gətirib.

Ekspert bildirib ki, avtomobili idarə etmək üçün verilən etibarnaməsi olan şəxs həmin nəqliyyat vasitəsini texniki baxışdan keçirə bilər.

Onun sözlərinə görə, izləyicilər bu məsələ ilə bağlı tez-tez suallar ünvanlayırlar. Sürmə etibarnaməsi şəxsin avtomobildən istifadə etməsinə və onu idarə etməsinə hüquqi əsas yaradır. Lakin bu, avtomobil üzərində mülkiyyət hüququnun əldə edilməsi demək deyil.

Beləliklə, sürmə etibarnaməsi olan şəxsin avtomobili texniki baxışdan keçirməsi mümkündür. Bununla belə, texniki baxış zamanı nəqliyyat vasitəsinə və təqdim edilməli sənədlərə dair qanunvericiliyin tələblərinə əməl olunmalıdır.

Eltac Zülfüqaroğlu