Yolayrıclarında bu qaydaya mütləq əməl edin: Əks halda... - VİDEO

Yol nəqliyyat hadisələrinin baş verdiyi yerlərdən biri də yolayrıclarıdır. Avtosfer.az xəbər verir ki, svetoforla nizamlanmayan yolayrıclarında sürücülər bəzən necə hərəkət edəcəklərini və harada dayanıb yol verəcəklərini müəyyən edə bilmirlər. Xüsusən yeni sürücülüyə başlamış təcrübəsiz sürücülər yolayrıclarında təhlükəli vəziyyət yaradırlar.
Təqdim etdiyimiz videoda sürücü yolayrıcına daxil olan zaman hərəkət hissəsini keçən piyadanı görərək özünü itirir və görüntünü qeydə alan avtomobilə təhlükə yaradır.
Bəs sürücü yolayrıcını hansı formada keçməlidir?
Qeyd edək ki, əgər nizamlanmayan yolayrıcında "yol ver" və ya "stop" nişanları varsa, sürücü kəsişmə yerinin qarşısında sürəti azaltmalı və baş yolda nəqliyyat vasitələri olduğu halda dayanıb yol verməlidir. Üstünlük nişanları olmadığı halda isə sağdan yaxınlaşan nəqliyyat vasitələrinə yol verməlidir.

Nərmin