Baş yolda olan maşına baxmadan qarşısına çıxan sürücü - 90-DD-105 - VİDEO

Növbəsini gözləmədən yolayrıcına daxil olan sürücülər kifayət qədərdir. Bəzi küçələrdə quraşdırılan işıqforlar sürücülərin hərəkətini nizamlayır. Lakin nizamlanmayan yolayrıcılarında vəziyyət çətinləşir. Bu halda bəzi sürücülər hərəkət üstünlüyü olan maşına yol vermədən hərəkət edirlər. Hətta bir qismi yolayrıcına girən zaman yola baxmadan sağa, yaxud sola dönürlər. Nəticədə onlar təhlükə yaratmaqla yanaşı qəzalara da səbəb olurlar. 

Paytaxtın Nəsimi rayonu Mirəli Qaşqay küçəsində qeyd etdiyimiz qayda pozuntusunu törədən sürücü görüntülənib.

Avtosfer.az-ın məlumatına görə, hadisə bir müddət əvvəl səhər saatlarında qeydə alınıb. Belə ki, 90-DD-105 dövlət nömrə nişanlı “Mercedes” markalı avtomobilin sürücüsü yolayrıcına daxil olarkən baş yoldan gələn avtomobilə məhəl qoymayıb və sağa dönüb. Kadrda sürücünün yola baxmadan hərəkət etməsi də əks olunub. Xoşbəxtlikdən görüntünü qeydə alan sürücü maşını saxlayaraq ona yol verib. 

Nərmin