Qaydaları pozmadığını deyən xanım sürücü özünü yenidən ifşa etdi - VİDEO

Bakıda yol hərəkəti qaydalarını pozub videolarını sosial şəbəkədə paylaşan xanım sürücü yenidən iş başına keçib. Avtosfer.az xəbər verir ki, 77-YJ-102 qeydiyyat nişanlı "Chevrolet" markalı avtomobilin sürücüsü Nailə Nəcəfli qaydaları pozmaqda davam edir.

2-3 gün öncə onun qayda pozuntularına dair videoları yayaraq törətdiyi qayda pozuntularını tənqid etdik. Lakin xanım sürücü buna narazılıq bildirərək qayda pozmadığını iddia etdi. O, etdiyi səhvləri düzəltmək əvəzinə, yenidən qaydaları pozaraq videosunu sosial şəbəkədə paylaşıb. Görüntüdən də aydın şəkildə görünür ki, xanım sürücü nəqliyyat vasitəsinin hərəkəti zamanı təhlükəsizlik kəmərindən istifadə etməyib. Sükan arxasında oturuşu isə qeyri-professionaldır.

Belə ki, sürücünün sağ ayağı pedalların yanında olduğu kimi, sol ayağı da ona paralel olaraq sol tərəfdə olmalıdır. Hər iki əllər sükanda olmalıdır ki, manevr zamanı dönmə işığı yandırarkən, sükanı fırladarkən, digər əl buna dəstək olsun. Sadaladığımız bu incəliklərin heç birini təəssüf ki, bu sürücüdə görmək olmur.

Fərid