Abşeronda yol polisi 50 avtomobili yoxlamadan keçirdi - VİDEO

Abşeron rayon Polis İdarəsinin Dövlət Yol Polisi Şöbəsinin əməkdaşları tərəfindən “Təmiz hava” aylığı çərçivəsində reyd keçirilib. Avtosfer.az xəbər verir ki, reyd Xırdalan şəhərinin müxtəlif ərazilərində təşkil edilib. Keçirilən tədbir zamanı avtomobillərdən çıxan qazların tərkibində olan zərərli maddələin miqdarı xüsusi avadanlıqlarla yoxlanılıb. Normadan artıq zərərli qaz ixrac edən və atmosferi həddindən artıq çirkləndirən avtomobilləri idarə edən sürücülər barədə qanuna müvafiq qaydada tədbirlər görülüb. 
Həmçinin bölmə əməkdaşları tərəfindən yol-hərəkəti qaydalarına riayət olunması və avtomobillərinin saz vəziyyətdə saxlanılması barədə sürücülərlə profilaktiki söhbətlər aparılaraq onlara hüquq və vəzifələri izah edilib. 
Reyd zamanı 50-yə yaxın avtomobil yoxlamadan keçirilib. Bununla yanaşı, reyd zamanı ciddi qayda pozuntularına yol verərək həm nəqliyyatın, həm piyadaların hərəkəti üçün təhlükə törədən, təhlükəsizlik kəmərindən istifadə etməyən, avtomobilin konstruksiyalarıbda dəyişiklik edən, eləcə də sənədsiz avtomobil idarə edən sürücülər saxlanılaraq barələrində inzibati xəta haqqında protokol tərtib olunub.

Nərminə Əli