Astarada “Gəncliyimizi narkomaniydan qoruyaq!” mövzusunda maarifləndirici görüş keçirilib - FOTO

Astara Rayon Polis Şöbəsinin təşkilatçılığı ilə Şiyəkəran kənd 1 nömrəli tam orta məktəbin kollektivi ilə “Gəncliyimizi narkomaniydan qoruyaq!” mövzusunda maarifləndirici görüş təşkil olunub.
Çıxış edən Astara RPŞ-nin rəisi, polis polkovniki Azər Cəfərov bildirib ki, hazırda bəşəriyyəti düşündürən və narahat edən ən ağrılı problemlərdən biri narkomaniyadır. Şöbə rəisi ağ ölümün səbəb olduğu dəhşətli nəticələrdən, ölkəmizdə bu ağır bəlaya qarşı aparılan mübarizədən danışıb.
Sonra çıxış edən Astara Rayon İcra Hakimiyyətinin hüquq söbəsinin müdiri Bəsti Əliyeva, Gənclər və İdman İdarəsinin rəisi Rufan Şirinov və digərləri  bildiriblər ki, gələcəkdə xalqı, vətəni üçün gərəkli övlad olmaq istəyən bu günün gənci ilk növbədə zərərli vərdişlərdən, o cümlədən narkomaniyadan uzaq olmalıdır.
Tədbirin sonunda mövzu ilə bağlı videoçarx izlənilib və məktəblilərin sualları cavablandırılıb.