Bakıda 1000-ə yaxın sürücü və 35-ə yaxın “parkovşik” cərimələnib

Yanvarın 24-də Bakıda avtomobillərin qanunsuz parklanması ilə əlaqədar 1000-ə yaxın sürücü cərimələnib. Bu barədə Avtosfer.az-a Bakı Şəhər Baş Polis İdarəsinin Dövlət Yol Polisi İdarəsinin baş inspektoru Araz Əsgərli deyib. O bildirib ki, polis əməkdaşları tərəfindən keçirilən reydlər zamanı özlərini “parkovşik” kimi təqdim edən 35-ə yaxın şəxs saxlanılaraq cərimə edilib.

“Yol polisi tərəfindən qanunsuz parklanma ilə əlaqədar reydlər davam etdirilir”, - DYP rəsmisi vurğulayıb.