Bakıda film kimi hadisə: narkoman taksi sürücüsünü polislər belə tutdu

Vətəndaşlardan biri Avtosfer.az-a müraciət edərək polis əməkdaşlarına təşəkkür ünvanlayıb. Vətəndaş deyir ki, bilmədən narkotik istifadəçisi taksi sürücüsünün maşınına əyləşib. "20 Yanvara çatanda idarəetməni itirərək qəza törətdi. Qucağımda pişiyin daşıma qabı olmasaydı ciddi zədə alacaqdım. Yüngül zədə ilə qurtulduq."
Vətəndaş deyir ki, sürücü polisin "saxla" əmrinə tabe olmayıb və maşında uşaq olmağına baxmayaraq sürəti artırıb. "Polis nəhayət onu saxladı və  müdaxilə edib sürücünü aşağı düşürdü. Sürücü isə mən oturduğum tərəfdən maşından bıçaq çıxarmağa çalışdı. Polis cəld tərpənib qolunu qapının arasında sıxdı. Hadisələr o qədər sürətlə baş verirdi ki, adamın mənim üstümdən əlini uzadıb bıçaq çıxarmasını da anlamadım."
Vətəndaş polisin vaxtında müdaxiləsi nəticəsində daha böyük təhlükənin qarşısının alındığını qeyd edib.