"Narkobiznes" və yol polisi “Hyundai”dan küllü miqdarla narkotik aşkarladı

Bakıda sürücünün avtomobilindən narkotik maddələr aşkar olub. Avtosfer.az xəbər verir ki, Baş Narkotiklərlə Mübarizə İdarəsi və Baş Dövlət Yol Polisi İdarəsi əməkdaşlarının daxil olmuş məlumat əsasında birgə keçirdikləri əməliyyat-axtarış tədbiri nəticəsində Səbail rayonu ərazisində saxlanılan Bakı şəhər sakini, əvvəllər məhkum olunmuş R.Babayevdən 60 qram heroin, idarə etdiyi “Hyundai” markalı avtomobildən 6 kiloqram 470 qram marixuana, 2 kiloqram 450 qram heroin, 400 ədəd metadon, 180 ədəd pregabalin həbləri, onunla birgə olan paytaxt sakini S.Təhməzovdan isə 30 qram heroin aşkar edilərək götürülüb.

Leyla