Baş Dövlət Yol Polisi İdarəsi Bakı-Qazax yolunda reyd keçirdi - VİDEO

Bakı-Qazax-Gürcüstan sərhədi yolunun 47-ci km-də Baş Dövlət Yol Polisi İdarəsinin YPX Alayının əməkdaşları tədbir keçirib.

Avtosfer.az xəbər verir ki, tədbirin məqsədi son vaxtlar yol-nəqliyyat hadisələrinə səbəb olan sürətə uyğun ara məsafəsini seçməyən, sükan arxasında telefondan istifadə edən, sağ zolağın boş olduğu halda sol zolaqda hərəkətdə olan, avtomobilə əlavə konstruksiyalar quraşdıran, təhlükəsizlik kəmərindən istifadə etməyən, sənədləri qaydasında olmayan sürücüləri aşkarlamaq olub.

Reyd zamanı həmin sürücülər saxlanılaraq barələrində inzibati protokol tərtib edilib. Baş Dövlət Yol Polisi idarəsi sürücülərə müraciət edərək bildirib ki, sükan arxasında olarkən diqqətli olsunlar. Həm özlərini, həm də digər hərəkət iştirakçılarını qorusunlar.