Dekan müavini yol polisi şöbəsindən Prezidentə və nazirə görün nələr yazdı

Bakı Mühəndislik Universitetin "Mühəndislik" fakültəsinin dekan müavini, dosent Osman Mirzəyev ölkə Prezidenti İlham Əliyev, Daxili İşlər naziri general-polkovnik Vilayət Eyvazov və Binəqədi rayon Dövlət Yol Polisi şöbəsinin rəisi Cəmşid Hənifəyevə təşəkkür məktubu ünvanlayıb. Avtosfer.az xəbər verir ki,  Osman Mirzəyev ötən ilin dekabr ayının 22-də Yol qəzasına düşüb. Onu Binəqədi rayon Dövlət Yol Polisi şöbəsinə dəvət ediblər. Osman müəllim şöbədə izahat verib və tam qanuni şəkildə problemi həllini tapıb. 
Dosent yol polisi əməkdaşlarının gözəl rəftarı,  sürücülərə qarşı yüksək diqqət gördüyünü qeyd edir. Vətəndaşların qəbulu və onlara diqqətlə yanaşılması, eyni zamanda əməkdaşların gülərüzlü münasibəti onda xoş təəssürat yaradıb. Bütün bunlar isə yol polisi haqqında olan müəyyən neqativ fikirlərin də üzərindən xətt çəkib.