DİN polislərin düşdüyü qəza ilə bağlı məlumat yaydı

Daxili İşlər Nazirliyi Göyçay rayonu ərazisində polis əməkdaşlarının düşdüyü qəza barədə məlumat yayıb. Nazirliyin mətbuat xidmətinin Şəki regional qrupundan  Avtosfer.az-a bildirilib ki, Göyçay rayonu Xəlitli kəndi ərazisində "VAZ" markalı avtomobilin sürücüsü, Göyçay regional Mühafizə Şöbəsinin əməkdaşı, polis serjantı Mahmud Süleymanovun idarəetməni itirməsi nəticəsində nəqliyyat vasitəsi yoldan çıxaraq qaz borusuna və ağaca çırpılıb. Nəticədə  avtomobildə sərnişin qismində olan həmin şöbənin iki mülki əməkdaşı Elvin Bəkirov və Seyran Orucov müxtəlif dərəcəli bədən xəsarətləri alıblar. 
Faktla bağlı araşdırma aparılır.