Yol polisi Dövlət Agentliyinə məxsus avtomobilin sürücüsünü cərimələdi - VİDEO

Ötən gün yolun əks istiqamətinə çıxaraq hərəkət edən Kiçik və Orta Biznesin İnkişafı Agentliyinə məxsus avtomobilin sürücüsü cərimələnib. Bu barədə Avtosfer.az-a Bakı Şəhər Dövlət Yol Polisi İdarəsindən məlumat verilib. Bildirilib ki, Binəqədi yolunda "Yol Hərəkəti Haqqında" Qanunun 69-cu maddəsinin tələbini pozaraq tam əks istiqamətdə hərəkət edən 10-AH-034 nömrə nişanlı avtomobilin sürücüsü Əliyev Süleyman Fərrux oğlu yol polisinə dəvət olunaraq 100 manat, 4 bal cərimələnib. 

Xatırladaq ki, iyulun 27-də Binəqədi yolunda sürücünün avtomobili əks istiqamətdə idarə etməsi barəsində Avtosfer.az-da xəbər yayımlanmışdı.

Aysel